ATƏT-də “İpək Yolu üzərində Türk Dünyası” adlı sərgi keçirilmişdir
Cari ilin 12-15 yanvar tarixlərində Vyana şəhərində keçirilmiş “Türk Həftəsi”nin davamı olaraq, 27-29 yanvar tarixlərində ATƏT-də “İpək Yolu üzərində Türk Dünyası” adlı sərgi təşkil edilmişdir.
Sərgidə türk xalqlarının zəngin mədəni irsini və qədim tarixini özündə əks etdirən fotolar nümayiş etdirilmişdir. Sərginin 27 yanvar tarixində keçirilmiş açılışında Azərbaycan Respublikasının ATƏT yanında daimi nümayəndəsi, səfir Rövşən Sadıqbəyli, ATƏT-in Baş katibi Feridun Sinirlioğlu, türk dövlətlərinin ATƏT yanında daimi nümayəndəlikləri, eləcə də ATƏT-də akkreditə olunmuş diplomatik korpusun nümayəndələri iştirak etmişlər.
