Alman faşizmi üzərində Qələbənin 80-ci ildönümü Vyanada qeyd edilib
Alman faşizmi üzərində Qələbənin 80-ci ildönümü münasibətilə Azərbaycanın Avstriyadakı səfirliyinin əməkdaşları tərəfindən Vyana mərkəzi qəbiristanlığında İkinci Dünya müharibəsində həlak olmuş əsgərlərin xatirəsinə ucaldılmış abidənin və Şvartsenberqplatsda Vyana şəhərinin faşistlərdən azad olunmasında şücaət göstərmiş döyüşçülərin şərəfinə ucaldılmış abidə-kompleksin önünə əklil qoyulub və onların xatirəsi ehtiramla yad edilib.
Səfir Rövşən Sadıqbəyli çıxış edərək İkinci Dünya müharibəsində 600 mindən artıq Azərbaycan övladının alman faşizminə qarşı ön cəbhədə rəşadətlə vuruşduğu, eləcə də Azərbaycan döyüşçülərindən ibarət diviziyalardan birinin (46-cı ordunun 223-cü diviziyası) Vyananın azad edilməsində xüsusilə fərqləndiyi və buna görə həmin diviziyanın “Qırmızı bayraq” ordeni ilə təltif olunması barədə tədbir iştirakçılarına məlumat vermişdir.